عمری میں نوجوان پر قاتلانہ حملہ

ناندیڑ: ۲۶؍ستمبر (اعتماد نیوز)عمری کے واگھالہ ٹی پوائنٹ کے پاس پرانی مخاصمت کو لے کر ایک نوجوان پر کتی سے حملہ کرکے اُسے جان سے مارنے کی کوشش کی گئی ۔ پولس اطلاع کے مطابق گورٹھا کے رہنے والے شیام ساونت (۲۸سال ) کا جھگڑا گاؤں کے ہی رہنے والے شری رام ساونت کے ساتھ تقریباً ۲؍سال قبل ہواتھا تب سے



لے کر آج تک دونوں میں بات چیت بند تھی ۔ گزشتہ شام واگھالہ ٹی پوائنٹ کے پاس دھابے کے سامنے شیام ساونت کو روک کر شری رام ساونت نے اپنے پاس موجود کتی نکال کر شیام کے جسم پر کئی وار کئے ۔ اس قاتلانہ حملے میں وہ بری طرح زخمی ہوگیا ۔ شری رام ساونت کے خلاف عمری پولس اسٹیشن میں اقدام قتل کا مقدمہ درج کیاگیا ہے ۔